ໄຊຍະບູລີ ມີແຜນພັດທະນາອ່າງນ້ຳຕຽນເປັນແຫລ່ງທ່ອງທ່ຽວທຳມະຊາດ

ອ່າງນໍ້າຕຽນ ແມ່ນອ່າງເກັບນໍ້າໂຄງການການຊົນລະປະທານ ຂະຫນາດໃຫຍ່ ຂອງເມືອງ ແລະ ແຂວງໄຊຍະບູລີ ຢູ່ຫ່າງອອກ ຈາກເທສະບານເມືອງໄປທາງທິດຕາ ເວັນຕົກພຽງ 3-4 ກິໂລ ແມັດ ກໍໄປຮອດອ່າງດັ່ງກ່າວພາຍຫລັງໄດ້ຮັບການກໍ່ສ້າງ ມາແຕ່ຕົ້ນ ຊຸມປີ 2000 ເພື່ອສະໜອງນ້ຳໃຫ້ແກ່ເນື້ອທີ່ການຜະລິດຂອງປະຊາຊົນ ເຂດເທສະບານເ ມືອງດັ່ງກ່າວໄດ້ຫລາຍຮ້ອຍເຮັກຕາ.

      ຜູ້ລາຍງານຂ່າວທ້ອງຖິ່ນໃຫ້ຮູ້ວ່າ : ອ່າງເກັບນ້ຳແຫ່ງນີ້ນອກຈາກນຳເອົາຜົນປະ ໂຫຍດຢ່າງຫລວງຫລາຍມາສູ່ການຜະລິດ ຂອງປະຊາຊົນແລ້ວ ຍັງກາຍເປັນບ່ອນ ລ້ຽງປານາໆຊະນິດ, ອັນຊ່ວຍໃຫ້ການປະມົງຊາວເມືອງດັ່ງກ່າວມີການຂະຫຍາຍໂຕ,​ ພ້ອມ ນັ້ນ ຍັງເຫມາະສົມພັດທະນາ ໃຫ້ກາຍເປັນແຫລ່ງທ່ອງທ່ຽວທຳມະຊາດທີ່ສວຍງາມຂອງທ້ອງຖິ່ນນຳອີກປັດຈຸບັນບັນດາຮ້ານອາຫານ, ສະຖານທີ່ບັນເທີງ ແລະ ເຮືອນຳທ່ຽວຂະຫນາດຕ່າງໄດ້ເກີດມີຂຶ້ນຢູ່ອ່າງນ້ຳທຳມະຊາດແຫ່ງນີ້, ຍາມແລງມານອກຈາກພວກເຮົາຈະແນມ ເຫັນ ວິຖີຊີວິດຂອງປະຊາຊົນຢູ່ອ້ອມຮອບອ່າງນ້ຳແຫ່ງນີ້ແລ້ວ, ພວກເຮົາຍັງສາມາດຊົມຝູງນົກເປັດນ້ຳ ແລະ ນົກຍາງຂາວນັບເປັນ

ສິບເປັນຮ້ອຍບິນກັບເຮືອນຮັງຂອງພວກມັນ, ພາຍຫລັງ ຫາກິນຢ່າງອີ່ມຫນຳສຳລານໃນເຂດຫນອງນ້ຳອັນອຸດົມສົມ ບູນແຫ່ງນີ້.

        ທ່ານ ສັງວຽນ ແສງກັນນາລີ ຮອງຫົວຫນ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊຍະບູລີ ໄດ້ລາຍ ງານໃຫ້ຮູ້ຢູ່ໃນກອງປະຊຸມປຶກສາຫາລືເພື່ອວາງແຜນພັດທະນາອ່າງນ້ຳຕຽນໃຫ້ກາຍເປັນແຫລ່ງທ່ອງທ່ຽວທຳມະຊາດທີ່ໄດ້ຈັດຂຶ້ນ ເມື່ອວັນທີ 2 ກັນຍາຜ່ານມາ ຢູ່ພະແນກການດັ່ງກ່າວວ່າ : ມັນມີຄວາມສຳຄັນ ແລະ ຈຳເປັນຫລາຍທີ່ຈະຕ້ອງໄດ້ພັດທະນາເຂດ ທ່ອງທ່ຽວທຳມະຊາດແຫ່ງນີ້ ໃຫ້ມີມາດຕະຖານດີຂຶ້ນເພື່ອສາມາດຮອງຮັບຈຳນວນນັກທ່ອງທ່ຽວເຂົ້າມາແຂວງໄຊຍະບູລີທີ່ນັບມື້ ເພີ່ມຂຶ້ນເຊັ່ນດຽວກັນ, ນອກຈາກແຂກທີ່ມາທ່ອງທ່ຽວງານບຸນຊ້າງທີ່ເຄີຍຈັດຂຶ້ນໃນລະຫວ່າງເດືອນກຸມພາຂອງທຸກໆປີແລ້ວຈຳ ນວນນັກທ່ອງທ່ຽວເຂົ້າມາໄຊຍະບູລີ 9.000 ກວ່າຄົນ, ແຕ່ມາຮອດປີ 2010 ຈຳນວນນັກທ່ອງທ່ຽວດ່ັງກ່າວໄດ້ເພີ່ມຂຶ້ນເປັນ 25.800 ກວ່າຄົນ ແລະ ປີ 2012 ຜ່ານມາມີຫລາຍເຖິງ 63.100 ກວ່າຄົນ ໂດຍສະເລ່ຍມີອັດຕາເພີ່ມຂຶ້ນໃນແຕ່ລະປີປະມານ 9,4%ຽ ແມ່ນມີຈຸດປະສົງຜ່ານໄປທ່ຽວເມືອງມໍລະດົກໂລກຫລວງພະບາງ, ທັງນີ້ກໍຍ້ອນວ່າແຂວງໄຊຍະບູລີຍັງບໍ່ທັນມີແຫຼ່ງທ່ອງ ທ່່ຽວອັນລືຊື່ ແລະ ຈັບອົກຈັບໃຈດ່ັງບ່ອນອື່ນ. ດັ່ງນັ້ນ, ການພັດທະນາອ່າງນ້ຳຕຽນໃຫ້ເປັນແຫລ່ງທ່ອງທ່ຽວທຳະມຊາດທີ່ມີ ຄວາມດຶງດູດໃຈນັ້ນຈິ່ງມີຄວາມຈຳເປັນອັນຮີບດ່ວນເພື່ອທ້ອງຖິ່ນສາມາດຮອງຮັບການເພີ່ມຂຶ້ນຂອງຈຳນວນນັກທ່ອງທ່ຽວ ແລະ ສາມາດສ້າງແຫລ່ງລາຍຮັບເພີ່ມຂຶ້ນ.

     ທ່ານ ສັງວຽນ ແສງກັນນາລີ ເວົ້າວ່າ : ການພັດທະນາເບື້ອງຕົ້ນແມ່ນຈະສຸມໃສ່ພັດທະນາພື້ນຖານໂຄງລ່າງດ້ານຄົມມະນາຄົມ, ບ່ອນພັກແຮມ ແລະ ກິດຈະກຳນຳທ່ຽວຕ່າງໆໃຫ້ມີມາດຕະຖານ, ໂດຍສະເພາະແມ່ນຈະສ້າງເຂດຮອຍຕີນພະບາດຢູ່ກາງໜອງ ໃຫ້ເປັນຈຸດທ່ອງທ່ຽວວັດທະນະທຳ, ການຂີ່ເຮືອຊົມທິວທັດທຳມະຊາດ, ປັບປຸງບັນດາຮ້ານອາຫານໃຫ້ເປັນທີ່ດຶງດູດໃຈຂອງຜູ້ມາ ທ່ຽວ.