Laoreport: 8 ຮ້ານບັນເທີງຊື່ດັງຖືກເຕືອນເປັນຄັ້ງສຸດທ້າຍ

ນະຄອນຫລວງ ວຽງຈັນໃຫ້ເວລາໜຶ່ງເດືອນ ເຊິ່ງເລີ່ມແຕ່ວັນທີ 24 ທັນວາ 2013 ຫາ ວັນທີ 24 ມັງກອນ 2014 ເພື່ອໃຫ້ໂອກາດ 8 ຮ້ານບັນເທີງຊື່ດັງຢູ່ນະຄອນຫລວງວຽງຈັນ ຄືຮ້ານບັນເທີງໂຣມີໂອ, ພີກ ພລັບ, ວອດຄລັບ, ສະຕຣາ, ມາລີນາ, ແອດໂຮມ, ດາວຄຳ ແລະ ຮ້ານບັນເທີງແຄດວອກ ມີການປັບປຸງ ແລະ ປ່ຽນແປງພຶດຕິກຳລະເມີດລະບຽບການ ບັນເທີງຫລາຍຄັ້ງໃນໄລຍະຜ່ານມາ ອັນເປັນສາເຫດຕົ້ນຕໍຂອງການກໍ່ໃຫ້ເກີດປາກົດ ການຫຍໍ້ທໍ້ສັງຄົມຄືດັ່ງຜ່ານມາ ເຊິ່ງການໃຫ້ເວລາດັ່ງກ່າວແມ່ນການເຕືອນຄັ້ງສຸດທ້າຍຂອງນະຄອນ ຫລວງວຽງຈັນ ເຊິ່ງຜ່ານມາ ບັນ ດາຮ້ານບັນເທີງເຫລົ່ານີ້ແມ່ນມີການ ລະເມີດລະບຽບຂອງການ ບັນເທີງເຊັ່ນ: ເປີດໃຫ້ບໍລິການກາຍໂມງທີ່ລະບຽບກຳນົດໄວ້, ປະປ່ອຍໃຫ້ເດັກນ້ອຍທີ່ບໍ່ທັນຮອດອາຍຸກະສຽນເຂົ້າໃຊ້ບໍລິການ ອັນເປັນສາເຫດໜຶ່ງທີ່ກໍ່ໃຫ້ເກີດປາກົດການຫຍໍ້ທໍ້ຂອງສັງ ຄົມເຊັ່ນ: ເປັນແຫລ່ງມົ້ວສຸມຢາເສບຕິດ, ໂສເພນີ ແລະ ອະບາຍຍະມຸກຕ່າງໆ ອັນກໍ່ໃຫ້ເກີດຄວາມບໍ່ສະຫງົບຕໍ່ສັງຄົມ ໂດຍຖ້າຮ້ານບັນເທີງໃດຫາກບໍ່ມີການປ່ຽນແປງແກ້ໄຂແມ່ນຈະ

ຖືກຖອນໃບອະນຸຍາດການດຳເນີນທຸລະກິດຊົ່ວຄາວ ຫລື ຕະຫລອດໄປ ເຊິ່ງການເຕືອນຄັ້ງສຸດທ້າຍຕໍ່ຮ້ານບັນເທີງດັ່ງກ່າວນີ້ມີຂຶ້ນໃນ ກອງປະຊຸມຜ່ານຂໍ້ຕົກລົງກ່ຽວກັບການປະຕິບັດລະບຽບຕໍ່ຮ້ານບັນເທີງ ໃນວັນທີ 24 ທັນວານີ້ ໂດຍການເປັນປະທານຂອງທ່ານ ສາຍທອງ ແກ້ວດວງດີ ຮອງເຈົ້າ ຄອງນະຄອນຫລວງວຽງຈັນ, ຜູ້ຊີ້ນຳຂົງເຂດວຽກງານວັດ ທະນະທຳ-ສັງຄົມ ແລະ ມີບັນດາເຈົ້າໜ້າທີ່ກ່ຽວຂ້ອງ ແລະ ເຈົ້າຂອງຮ້ານບັນເທີງເຂົ້າຮ່ວມ.