ຈັບຂະບວນຄ້າເສບຕິດລາຍໃຫຍ່

      ກົມຕຳຫລວດສະກັດກັ້ນ ແລະ ຕ້ານຢາເສບຕິດກະຊວງ ປ້ອງກັນຄວາມສະຫງົບໃຫ້ຮູ້ວ່າ: ໃນທ້າຍອາທິດຜ່ານມາ, ເຈົ້າ ຫນ້າທີ່ສະກັດກັ້ນ ແລະ ຕ້ານຢາເສບຕິດໄດ້ຈັບກຸ່ມຂະບວນການ ຄ້າຂາຍຢາເສບຕິດລາຍໃຫຍ່ 2 ຄົນຄື: ທ້າວ ຂັນແກ້ວ ພັນ ຮາດ ວົງສຸກ ອາຍຸ 40 ປີ ພະນັກງານ ພັກເຊົາຢູ່ບ້ານຫນອງພະຍາ ເມືອງໄຊທານີ ນະຄອນຫລວງວຽງຈັນ ແລະ ທ້າວ ໄມອິນ ອາຍຸ 30 ປີ ອາຊີບກຳມະກອນ ຢູ່ບ້ານຊຽງດາວ ເມືອງເມິງແຂວງບໍ່ແກ້ວ, ໂດຍຜູ້ຕ້ອງຫາທັງສອງຖືກເຈົ້າຫນ້າທີ່ຈັບ ຕົວໄດ້ໃ ນຂະນະພວມມີການຂົນສົ່ງຢາເສບຕິດໃຫ້ກັນໃນເຂດບ້ານໃຫມ່ເມືອງໂພນໂຮງ, ແຂວງວຽງຈັນພ້ອມຂອງກາງຢາບ້າ 2 ແສນ ກວ່າເມັດ ແລະ ລົດເກັງຍີ່ຫໍ້ BYD ຫນຶ່ງຄັນທີ່ໃຊ້ເປັນພາຫະນະຂົນສົ່ງຢາເສບຕິດດັ່ງກ່າວ.

       ເຈົ້າຫນ້າທີ່ໃຫ້ຮູ້ຕື່ມວ່າ: ຍັງມີທ້າວ ໄມທອງ ຜູ້ເປັນຫົວ ໂປ່ໂຕການໃຫຍ່ໃນຂະບວນການດັ່ງກ່າວ ໄດ້ເອົາຕົວຫລົບຫນີ ແລະ ປັດຈຸບັນໄດ້ແຈ້ງໃຫ້ ປກສ ທົ່ວປະເທດເພື່ອຕິດຕາມຈັບຕົວຜູ້ກ່ຽວມາດຳເນີນຄະດີຕາມກົດຫມາຍ.