Laoreport: ຍ້ອນປະໝາດສ້າງຄວາມເສຍຫາຍຕໍ່ຊັບສິນສ່ວນລວມ.

ປະຊາຊົນທີ່ອາໄສຢູ່ເຂດໃກ້ຄຽງກັບຂົວນ້ຳພະນາຍ ເມືອງທຸລະຄົມ ແຂວງວຽງຈັນ ຕ່າງກໍຮີບຮ້ອນຊ່ວຍກັນຂົນສິນຄ້າຈຳ ນວນຫລາຍອອກຈາກລົດບັນທຸກ 12 ລໍ້ຄັນໜຶ່ງທີ່ຕິດຄາຢູ່ລະ ຫວ່າງກາງຂົວດັ່ງກ່າວໃນສະພາບຫັກຫຍຸບລົງຍ້ອນຄວາມປະໝາດ ແລະ ຄວາມໂລບມາກໂລພາຂອງຜູ້ຂັບລົດບັນທຸກຄັນດັ່ງກ່າວທີ່ບັນທຸກເກີນນ້ຳໜັກຂອງຂົວຮັບໄດ້.

ເຈົ້າໜ້າທີ່ຈາລະຈອນແຂວງວຽງຈັນ ໃຫ້ຮູ້ວ່າ: ເຫດການນີ້ເກີດຂຶ້ນເວລາປະມານ 16:30 ໂມງຂອງວັນທີ 17 ມັງກອນຜ່ານມານີ້ ໂດຍລົດບັນທຸກ 12 ລໍ້ ໝາຍເລກທະບຽນ ບກ 5868 ກຳແພງນະຄອນບັນທຸກສິນຄ້າໜັກປະ ມານ 40 ໂຕນ ມາແຕ່ນະຄອນ ຫລວງວຽງຈັນ ເພື່ອມຸ່ງໜ້າໄປບ້ານເກີນ ເມືອງທຸລະຄົມ ແຂວງວຽງຈັນ. ຂົວນ້ຳພະ ນາຍເປັນຂົວເຫລັກເກົ່າແກ່ທີ່ສາມາດຮັບນ້ຳໜັກໄດ້ພຽງ 10 ໂຕນ ຈຶ່ງເຮັດໃຫ້ຂົວຫັກຫຍຸບລົງທັນທີໂຊກດີບໍ່ມີໃຜໄດ້ຮັບບາດເຈັບ ຫລື ເສຍຊີວິດແຕ່ຢ່າງໃດ. ພຽງສົ່ງຜົນໃຫ້ສະພາບການສັນຈອນຕິດຂັດເປັນເວລາຍາວ.

ເຈົ້າໜ້າທີ່ໃຫ້ຮູ້ວ່າ: ປົກກະຕິແລ້ວຈະບໍ່ອະນຸຍາດໃຫ້ລົດບັນ ທຸກນ້ຳໜັກເກີນ 10 ໂຕນ ຜ່ານຂົວດັ່ງກ່າວເດັດ ຂາດ ໂດຍຈະໃຫ້ລົດບັນທຸກໜັກໄປນຳໃຊ້ເສັ້ນ ທາງອື່ນ ໂດຍຈະມີເຈົ້າໜ້າທີ່ເວນຍາມກວດກາເປັນປະຈຳ. ປັດຈຸ ບັນພາກສ່ວນກ່ຽວຂ້ອງພວມຕີລາຄາຄວາມເສຍຫາຍເພື່ອທຳການສ້ອມແປງຂົວ ດັ່ງກ່າວໃຫ້ສາມາດຮັບປະກັນໃນການຜ່ານໄປມາຂອງລົດໄດ້ສະດວກຄືເກົ່າ ໂດຍໄວພ້ອມກັບດຳເນີນຄະດີຕໍ່ເຈົ້າຂອງລົດບັນທຸກດັ່ງກ່າວຕາມລະບຽບ ກົດໝາຍ.