ໃນໂອກາດທີ່ທ່ານ
ບຸນທຽນ ທອງແກ້ວ ສະມາຊິກສະພາແຫ່ງ
ຊາດເຂດ ເລືອກຕັ້ງທີ 15 ສະພາ ແຫ່ງຊາດ ຊຸດທີ VII ແຂວງຈຳ ປາສັກ ລົງພົບປະໂອ້ລົມ
ແລະ ຮັບຟັງຄຳສະເໜີຂອງປະຊາຊົນຢູ່ເມືອງປາກຊ່ອງ
ແຂວງຈຳປາສັກ ເມື່ອບໍ່ດົນ ມານີ້, ປະຊາຊົນ ໄດ້ສະເໜີຢາກໃຫ້ສະພາແຫ່ງຊາດຊ່ວຍ
ແກ້ໄຂຮີບດ່ວນບັນ
ຫາລາຄາກາເຟຕົກຕ່ຳ ເນື່ອງຈາກປະເຊີນກັບບັນຫາ ດັ່ງກ່າວມາເປັນເວລາ 2 ປີແລ້ວ
ເຊິ່ງຜ່ານມາເຖິງວ່າພາກລັດ,ຜູ້ປະກອບ
ການ ແລະ ປະຊາຊົນ ໄດ້ມີການປຶກ ສາຫາລືເພື່ອ ຫາ ທາງອອກຫລາຍຄັ້ງ
ແຕ່ກໍຍັງແກ້ໄຂບໍ່ໄດ້ດີເທົ່າທີ່ຄວນເນື່ອງຈາກສະພາບລາຄາກາເຟໃນຕະຫລາດໂລກ
ຫລຸດລົງ
ແລະ ຫລ້າ ສຸດໃນຕົ້ນ ເດືອນພະຈິກ 2013 ນີ້ ທາງພະແນກອຸດສາຫະກຳ ແລະ
ການຄ້າແຂວງຈຳປາສັກຮ່ວມ ກັບສະມາຄົມເກັບຊື້ກາເຟ
ຂອງເມືອງປາກຊ່ອງກໍໄດ້ຈັດກອງປະຊຸມເພື່ອກຳນົດລາຄາເກັບຊື້ກາເຟປະຈຳປີ 2013-2014
ແລະ ໄດ້ກຳນົດລາຄາເກັບຊື້ຕ່ຳ
ສຸດ 2 ພັນກີບຕໍ່ກິໂລ ໝາກແດງ,ແຕ່ກໍຍັງເຫັນວ່າມີລາຄາຕ່ຳຢູ່.
ດັ່ງນັ້ນປະຊາຊົນຈຶ່ງໄດ້ນຳສະເໜີຕໍ່ສະພາແຫ່ງຊາດເພື່ອຊອກ
ຫາຊ່ອງທາງຊ່ວຍເຫລືອ, ຄຽງຄູ່ກັບບັນຫາດັ່ງກ່າວປະຊາຊົນຍັງ ໄດ້ສະເໜີໃຫ້ກວດຄືນ ການສຳປະທານທີ່ດິນຂອງນັກລົງທຶນ
ຢູ່ພາຍໃນເມືອງທີ່ສະພາໄດ້ຮັບຮອງ, ການແກ້ໄຂທີ່ດິນທຳ ການຜະລິດຂອງປະຊາຊົນ ແລະ ບັນຫາອື່ນໆອີກຈຳນວນໜຶ່ງ.
No comments:
Post a Comment