ກອງ
ປະຊຸມໂຕະມົນລະດັບສູງຄັ້ງທີ 11 ພາຍໃຕ້ຫົວຂໍ້
“ເລັ່ງ ລັດການບັນລຸເປົ້າໝາຍສະຫັດສະວັດດ້ານການພັດທະນາ ແລະ
ການພັດທະນາແບບສົມສ່ວນທີ່ມີສ່ວນຮ່ວມ”ໄດ້ໄຂຂຶ້ນຢ່າງເປັນທາງການໃນ
ວັນທີ19
ພະຈິກນີ້ຢູ່ຫໍປະຊຸມແຫ່ງຊາດ ນະຄອນ
ຫລວງວຽງຈັນໂດຍການໃຫ້ກຽດກ່າວໄຂກອງປະຊຸມຂອງ
ທ່ານ ທອງສິງ ທຳມະວົງ ນາຍົກ ລັດຖະມົນຕີແຫ່ງສ ປປ ລາວ ແລະ
ກອງປະຊຸມດຳເນີນພາຍໃຕ້ການເປັນປະທານຂອງທ່ານ
ທອງລຸນ ສີສຸລິດ ຮອງນາຍົກລັດຖະມົນຕີລັດຖະ
ມົນຕີວ່າການກະຊວງການຕ່າງປະເທດ ແລະ
ທ່ານ ຮາວລຽງຊູ
ຜູ້ຊ່ວຍຜູ້ອຳນວຍການໃຫຍ່ອົງການສະຫະປະຊາຊາດເພື່ອການພັດທະນາທັງເປັນ
ເອກອະທິບໍດີຮັບຜິດຊອບພາກພື້ນອາຊີ-ປາຊີຟິກ,
ມີບັນດາຜູ້ແທນທັງພາຍໃນ ແລະ ຕ່າງປະເທດຫລາຍກວ່າ 400
ທ່ານເຂົ້າຮ່ວມ.
ກອງ
ປະຊຸມໂຕະມົນລະດັບ ສູງຄັ້ງນີ້ເພື່ອເປັນການແຈ້ງສະ
ພາບການພັດທະນາຂອງສປປ ລາວ ໂດຍສະເພາະແມ່ນຜົນສຳເລັດ ແລະ
ສິ່ງທ້າທາຍໃນການປະຕິບັດເປົ້າໝາຍສະຫັດສະວັດດ້ານການພັດທະນາໃຫ້
ບັນດາຄູ່
ຮ່ວມພັດທະນາໄດ້ຮັບ
ຊາບ ແລະ ພ້ອມທັງນຳສະເໜີຫົວຂໍ້ຕ່າງໆ ໃຫ້ຜູ້ແທນກອງປະຊຸມໄດ້ປະ
ກອບຄຳເຫັນເຊັ່ນ:ຜົນຂອງການທົບທວນກາງສະໄໝແຜນພັດທະ ນາເສດຖະກິດ-ສັງຄົມແຫ່ງຊາດ
5 ປີຄັ້ງທີ VII;ຄວາມຄືບໜ້າ ແລະ ສິ່ງທ້າທາຍໃນການຈັດຕັ້ງ ປະຕິບັດເປົ້າໝາຍສະຫັດສະວັດດ້ານການພັດທະນາ
ແລະ ທິດ ທາງຕໍ່ໜ້າເພື່ອບັນລຸເປົ້າໝາຍທີ່ຍັງປະຕິບັດບໍ່ໄດ້ຕາມເປົ້າໝາຍ;
ຄວາມຄືບໜ້າໃນການຈັດຕັ້ງປະ ຕິບັດວຽກງານການປົກຄອງ, ການມີສ່ວນຮ່ວມຂອງປະຊາຊົນ,
ການປົກຄອງໂດຍກົດໝາຍ ແລະ ການປັບປຸງການບໍລິການຂອງລັດ;ພ້ອມທັງຫົວຂໍ້ຄວາມຄືບໃນການປະຕິບັດວຽກງານການເງິນ
ແລະ ບາດກ້າວສຳຄັນຂອງຂະ ແໜ່ງດັ່ງກ່າວ ເພື່ອບັນລຸແຜນພັດທະນາເສດຖະກິດ-ສັງຄົມແຫ່ງຊາດ
5 ປີຄັ້ງທີ VII ແລະ ການສ້າງຄວາມເຂັ້ມແຂງຂອງການເປັນຄູ່ຮ່ວມເພື່ອຍົກສູງປະສິດທິຜົນຂອງການພັດທະນາ.
ໃນໂອກາດກ່າວເປີດກອງປະຊຸມ,ທ່ານນາຍົກລັດຖະມົນຕີ
ທອງສິງ ທຳມະວົງ ໄດ້ຍົກໃຫ້ເຫັນຜົນສຳເລັດໃນການຈັດ
ຕັ້ງປະຕິບັດແຜນພັດທະນາເສດຖະ
ກິດ-ສັງຄົມ 5 ປີ ຄັ້ງທີ VII (2011- 2015) ໄລຍະກາງສະໄໝ
ເຊັ່ນ:ສາມາດຮັບປະກັນ ໄດ້ສະຖຽນລະພາບທາງການເມືອງຢ່າງໜັກແໜ້ນ,
ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ເສດຖະ
ກິດຂອງລາວເຕີບໃຫຍ່ຢ່າງຕໍ່ເນື່ອງ
ແລະ ໝັ້ນທ່ຽງ, ລວມຍອດຜະລິດຕະພັນພາຍໃນເພີ່ມຂຶ້ນສະເລ່ຍ 3 ປີ ບັນລຸ
8,2%,
ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນ,ອັດຕາຄວາມທຸກ
ຍາກຫລຸດລົງຈາກ
27,6% ໃນສົກປີ 2007- 2008 ມາເປັນ 20,5% ໃນສົກປີ 2012-2013 ແລະ
ຄວາມຄືບໜ້າຂອງການບັນລຸເປົ້າໝາຍສະຫັດສະວັດດ້ານການພັດທະນາຈຳ
ນວນໜຶ່ງເຊັ່ນ:ເປົ້າໝາຍທີ 3 :
ຄວາມສະເໝີພາບລະຫວ່າງຍິງ-ຊາຍ,ເປົ້າໝາຍທີ6:ການຕ້ານພະຍາດເອດ,ວັນນະ
ໂລກ
ແລະ ໄຂ້ຍຸງ;ເປົ້າໝາຍທີ 7:ດ້ານສິ່ງແວດລ້ອມ ແລະ ເປົ້າໝາຍທີ 8:
ການສ້າງຄູ່ຮ່ວມເພື່ອການພັດທະນາ.ແຕ່ພ້ອມກັນນີ້ຍັງມີບາງຄາດໝາຍ
ທີ່ຈະຕ້ອງໄດ້ໃຊ້ຄວາມພະຍາຍາມ
ແລະ ສຸມທຶນຮອນເຂົ້າໃສ່ປະຕິບັດບາງຄາດໝາຍທີ່ຍັງມີຄວາມທ້າທາຍ
ເຊັ່ນ: ເປົ້າໝາຍທີ
1: ວຽກງານໂພຊະນາການໂດຍສະເພາະການຂາດສານອາຫານຂອງເດັກອາຍຸລຸ່ມ 5
ປີ ແລະ
ລວງສູງຕ່ຳກວ່າມາດຖານ; ເປົ້າໝາຍທີ 2:
ອັດຕາການລອດເຫລືອຂອງນັກຮຽນຊັ້ນປະຖົມຍັງຕ່ຳ,
ອັດຕາການປະລະ ແລະ ຄ້າງຫ້ອງຮຽນຂອງນັກຮຽນຫ້ອງປ.1 ແລະ ປ.2 ຍັງຫລາຍ;
ເປົ້າໝາຍທີ
5 ອັດຕາການຕາຍຂອງແມ່ຍັງຫລາຍຖ້າທຽບໃສ່ລະດັບພາກ ພື້ນ; ເປົ້າໝາຍທີ
9: ລະເບີດບໍ່ທັນແຕກຍັງມີຫລາຍໃນທົ່ວທຸກພາກຂອງປະເທດ
ແລະ
ຍັງສືບຕໍ່ເປັນໄພຄຸກຄາມຕໍ່ການພັດທະນາກໍຄືຊີວິດການເປັນຢູ່ຂອງ
ປະຊາຊົນ.
ສະນັ້ນ
ເພື່ອສືບຕໍ່ປະຕິບັດເປົ້າໝາຍສະຫັດສະວັດທີ່ຍັງຄົງຄ້າງໃຫ້ບັນລຸຕາມ
ຄາດໝາຍນັ້ນ,
ນາຍົກລັດຖະມົນຕີ ໄດ້ຮຽກຮ້ອງທຸກພາກສ່ວນກໍຄືບັນດາຄູ່ຮ່ວມພັດທະນາ
ຈົ່ງໃຫ້ການສະໜັບສະນູນ,ຮ່ວມມື
ແລະ ປະກອບສ່ວນຕາມພາລະບົດ ບາດ, ຄວາມສາມາດ ແລະ
ຄວາມຮັບຜິດຊອບຂອງຕົນ.ເພື່ອບັນລຸຜົນສຳເລັດດັ່ງກ່າວມີຄວາມຕ້ອງການ
ທຶນສຳລັບຈັດຕັ້ງປະຕິ
ບັດແຕ່ນີ້ຮອດປີ2015 ແມ່ນ 1.220 ລ້ານໂດລາສະຫະລັດ ສຳລັບການລົງທຶນ
ແລະ 400 ລ້ານໂດລາສະຫະລັດ
ສຳລັບການສ້າງຂີດຄວາມອາດສາມາດດ້ານວິຊາການ,ພ້ອມນີ້
ຍັງຕ້ອງການທຶນຮອນເພີ່ມຕື່ມອີກຫລາຍກວ່າ
300 ລ້ານໂດລາສະຫະລັດ
ຕໍ່ປີເພື່ອເລັ່ງລັດການຈັດຕັ້ງປະຕິບັດເປົ້າໝາຍສະຫັດສະວັດດ້ານການພັດ
ທະນາໂດຍສະເພາະແມ່ນເປົ້າ ໝາຍທີ່ຍັງປະຕິບັດບໍ່ໄດ້.ສະນັ້ນ ສປປ ລາວ
ຈຶ່ງມີຄວາມຈຳເປັນໃນການສືບຕໍ່ລະດົມທຶນຊ່ວຍເຫລືອຈາກບັນດາປະເທດ
ເພື່ອນມິດ,
ອົງການຈັດ ຕັ້ງສາກົນກໍຄືຄູ່ຮ່ວມພັດທະນາ.
ກອງ
ປະຊຸມໂຕະມົນລະດັບສູງຄັ້ງນີ້ດຳເນີນໄປດ້ວຍບັນຍາກາດຟົດຟື້ນ,
ບັນດາຄູ່ຮ່ວມພັດທະນາໄດ້ປະກອບຄຳເຫັນ
ແລະຍ້ອງຍໍຊົມເຊີຍຕໍ່ຄວາມພະຍາຍາມຂອງລັດຖະບານໃນການຈັດຕັ້ງປະຕິບັດ
ບັນດາບູລິມະສິດຕ່າງໆໃນແຜນພັດທະນາເສດຖະກິດ-ສັງຄົມ
5 ປີຄັ້ງທີ VII ແລະ ເປົ້າໝາຍສະຫັດສະວັດດ້ານການພັດທະນາ,
ພ້ອມນັນບັນດາຄູ່ຮ່ວມພັດທະນາໄດ້ຢືນຢັນວ່າຈະສືບຕໍ່ໃຫ້ການສະໜັບສະໜູນ
ທຶນຮອນ,
ວິຊາການໃຫ້ແກ່ ສປປ ລາວ ຕື່ມໃນອະນາຄົດ.
No comments:
Post a Comment