ພິທີຕ້ອນຮັບເຮືອບິນ ATR 72-600 ເພີ່ມອີກເປັນລຳທີ
7 ຂອງລັດວິສາຫະ ກິດການບິນລາວ ໄດ້ມີຂຶ້ນໃນຕອນບ່າຍວັນທີ 8 ມິຖຸນານີ້ ຢູ່ສະໜາມບິນສາກົນວັດໄຕ,
ນະຄອນຫລວງວຽງຈັນ ໂດຍມີຄະນະຜູ້ບໍລິຫານ ພ້ອມດ້ວຍພະນັກງານລັດວິສາຫະກິດການບິນລາວເຂົ້າຮ່ວມ
ເປັນຈຳ ນວນຫລາຍ ເພື່ອນຳເຂົ້າມາເສີມຕາໜ່າງ ການບິນລາວໃຫ້ມີ ຄວາມສະດວກ ແລະ
ທັນສະໄໝ ດີຂື້ນ.
ໃນໂອກາດສະເຫລີມສະ ຫລອງວັນສ້າງຕັ້ງການບິນລາວຄົບຮອບ
25 ປີທີ່ຫາກໍຜ່ານພົ້ນໄປນັ້ນ, ຜູ້ອຳນວຍການລັດວິສາຫະກິດການບິນລາວໃຫ້ຮູ້ວ່າ:
ຕະຫລອດໄລຍະ 25 ປີຜ່ານມາການບິນລາວ ໄດ້ຮັບການພັດທະ ນາຢ່າງບໍ່ຢຸດຢັ້ງຄື: ທຶນດຳເນີນທຸລະກິດໄດ້ເພີ່ມຂຶ້ນຈາກ
400 ຕື້ ກີບ ໃນປີ 2006 ມາເປັນ 2.000 ຕື້ ກີບ ໃນປີ 2013, ມີເຮືອບິນເພີ່ມຂຶ້ນຈາກ
2 ລຳ ມາເປັນ 15 ລຳ ໃນປີ 2014, ໃນນັ້ນມີແອບັດ A320 ຈຳນວນ 4 ລຳ, ພະນັກ ງານລັດຖະກອນເພີ່ມຂຶ້ນຈາກ
400 ຄົນ, ມາເປັນ 875 ຄົນ, ຈຸບິນເພີ່ມຂຶ້ນ 6
ເທົ່າ; ຕົວແທນຂາຍປີ້ເພີ່ມຂຶ້ນເປັນ
360 ຕົວແທນ, ມີການຮ່ວມມືກັບ 25 ສາຍການ ບິນຂອງ 23 ປະເທດໃນໂລກ. ບໍລິການຜູ້ໂດຍສານເພີ່ມຂຶ້ນຈາກ
275.000 ເທື່ອຄົນ ມາເປັນ 743.000 ເທື່ອຄົນ, ລາຍຮັບທຸລະກິດເພີ່ມຂຶ້ນຈາກ
199 ຕື້ກີບ ມາເປັນ 926 ຕື້ກີບ. ລະບົບການບໍລິ ຫານຄຸ້ມຄອງມີຄວາມໜັກແໜ້ນເຂັ້ມແຂງ
ແລະ ພິເສດ ການບິນລາວໄດ້ຮັບລາງວັນຈາກອົງ ການຈັດຕັ້ງສາກົນ BID & BIZZ,
5 ປີຊ້ອນ, ນັບແຕ່ປີ 2007 ເປັນຕົ້ນມາ ແລະ ໄດ້ຮັບ ຮອງມາດຖານ ISO ດ້ານບໍລິ ການ
ແລະ ກຳລັງກວດສອບ ເພື່ອຮັບຮອງເປັນອົງການທີ່ມີມາດຖານຄວາມປອດໄພສາກົນ
IOSA ໃນປີນີ້.
No comments:
Post a Comment