ນັບວ່າເປັນໂອກາດອັນດີສຳລັບນັກສຶກສາທີ່ຮຽນຈົບ
ແລະ ພວມຈະຈົບໃນສົກຮຽນ 2013-2014 ເຊິ່ງມີປະມານ 8 ພັນກວ່າຄົນຈາກ 70 ສາຂາຢູ່ມະຫາ
ວິທະຍາໄລແຫ່ງຊາດ ໃນການຊອກຫາວຽກເຮັດງານທຳຕາມສິ່ງທີ່ຕົນເອງຕ້ອງການ,
ພາຍ ຫລັງມີ 50 ຫົວໜ່ວຍທຸລະກິດທັງພາກລັດ ແລະ ເອກະຊົນເຂົ້າ ຮ່ວມຕະຫລາດນັດສະໝັກວຽກງານຢູ່ມະຫາວິທະຍາໄລແຫ່ງຊາດ
(ມຊ) 2014 ໃນວັນທີ 29 ພຶດສະພານີ້ ເພື່ອເປີດໂອກາດໃຫ້ນັກສຶກສາໄດ້ສະໝັກເຂົ້າເຮັດວຽກນຳ.
ທ່ານ ສາສະດາຈານ ດຣ. ສົມສີ ຍໍພັນໄຊ ຮອງອະທິການບໍດີ
ມະຫາວິທະຍາໄລແຫ່ງຊາດ ກ່າວວ່າ: ຕະຫລາດນັດດັ່ງ ກ່າວຈັດຂຶ້ນເພື່ອອຳນວຍຄວາມສະ
ດວກໃຫ້ແກ່ນັກສຶກສາທີ່ຈະຈົບສົກສຶກສາ 2013-2014 ໄດ້ມີໂອ ກາດສະໝັກວຽກງານນຳອົງ
ການ ແລະ ບໍລິສັດຕ່າງໆຢູ່ຈຸດດຽວ ແລະ ຄັດເລືອກເອົາເພື່ອນຮ່ວມງານຕາມຈຸດປະສົງຂອງຕົນຕາມຕ້ອງການ,
ອີກດ້ານໜຶ່ງແມ່ນເປັນການສ້າງຄວາມຮັບຮູ້ຄຸນນະພາບຂອງນັກສຶກສາຈາກຜູ້ປະກອບການຕ່າງໆ
ເພື່ອເປັນຂໍ້ມູນພື້ນຖານໃນການປັບປຸງການຮຽນ-ການສອນ ກໍຄືຄຸນນະພາບຂອງນັກສຶກສາໃຫ້ດີຂຶ້ນ
ກວ່າເກົ່າ ເຊິ່ງປີນີ້ຈັດຂຶ້ນເປັນ ຄັ້ງທີ 4 ແລະ ມີບໍລິສັດເຂົ້າຮ່ວມຫລາຍຂຶ້ນ
ແລະ ຜູ້ສະໝັກງານກໍເພີ່ມຂຶ້ນ.
No comments:
Post a Comment