ພາຍຫລັງ
ເກີດມີປາຕາຍເປັນຈຳນວນຫລາຍຢູ່ໜອງຫານ
ບ້ານນາທາມ ເມືອງປາກງື່ມ ນະຄອນຫລວງວຽງຈັນ ແຕ່ກາງເດືອນຕຸລາ 2013
ເປັນຕົ້ນມາ,
ມາຮອດປັດຈຸບັນ
ຍັງບໍ່ຮູ້ສາເຫດທີ່ແນ່ນອນວ່າປາຕາຍເປັນຈຳນວນຫລວງຫລາຍໃນແຕ່ລະ
ມື້ນັ້ນຍ້ອນຫຍັງ.ເຖິງວ່າໜ່ວຍງານຂອງພະແນກຊັບພະຍາກອນທຳມະຊາດ
ແລະ ສິ່ງແວດລ້ອມໄດ້ນຳເອົາຕົວຢ່າງນ້ຳໜອງດັ່ງ
ກ່າວໄປວິເຄາະວິໄຈຫາສາເຫດໄດ້ຫລາຍມື້ແລ້ວ,
ແຕ່ຜົນການກວດກາກໍບໍ່ມີຄວາມຄືບໜ້າໃນຄຳຕອບແຕ່ຢ່າງໃດ
ເຊິ່ງໃນຈຸດນີ້ເຮັດໃຫ້ປະຊາຊົນບ້ານນາທາມ
ແລະ
ບ້ານໃກ້ຄຽງຕ່າງມີຄວາມກັງວົນວ່າໜອງນ້ຳທີ່ເປັນອູ່ເຂົ້າອູ່ປາທີ່
ອຸດົມສົມບູນມາແຕ່ດຶກດຳບັນແຫ່ງນີ້
ຈະບໍ່ໄດ້ຮັບການແກ້ໄຂຢ່າງຈິງຈັງຈາກພາກສ່ວນ ກ່ຽວຂ້ອງ.
ປະຊາຊົນ
ທ່ານໜຶ່ງຢູ່ບ້ານນາທາມ ກ່າວວ່າ:
ປັດຈຸບັນນີ້, ປະຊາຊົນຍັງບໍ່ຮູ້ຜົນການວິເຄາະນ້ຳ ແລະ
ບໍ່ມີພາກສ່ວນກ່ຽວ
ຂ້ອງໃດໆເຂົ້າມາໃຫ້ການຮ່ວມມືຊ່ວຍເຫລືອແກ້ໄຂຕໍ່ສະພາບເກີດ
ຂຶ້ນຢ່າງຈິງຈັງ
ຍັງຖືເປັນເລື່ອງ ທຳມະດາຢູ່, ແຕ່ສຳລັບປະ ຊາຊົນບ້ານນາທາມ ແລະ
ບ້ານໃກ້ຄຽງແມ່ນມີຄວາມຫຍຸ້ງຍາກຫລາຍໃນການທຳມາຫາກິນ
ແລະ ດຳ ລົງຊີວິດໃນແຕ່ລະມື້
ເນື່ອງຈາກປະຊາຊົນສ່ວນຫລາຍແມ່ນດຳ ລົງຊີວິດຕິດພັນກັບໜອງນ້ຳທຳມະຊາດແຫ່ງນີ້ມາຫລາຍຊົ່ວຄົນແລ້ວ,
ເປັນແຫລ່ງ ອາຫານອູ່ເຂົ້າ ອູ່ປາທີ່ອຸດົມສົມບູນ,ບາງຄອບ ຄົວອາໄສການຫາປາຢູ່ໜອງນ້ຳແຫ່ງນີ້ເພື່ອລ້ຽງຄອບຄົວໄປວັນໆ,
ແຕ່ພາຍຫລັງເກີດສະພາບປາຕາຍມານີ້,ປະຊາຊົນກໍບໍ່ກ້າໄປຫາປາ ແລະ ອາຫານຕ່າງໆຢູ່ບໍລິເວນໜອງນ້ຳມາບໍລິໂພກອີກ
ເພາະຢ້ານເກີດອັນຕະລາຍຕໍ່ສຸຂະ ພາບ ແລະ ມາຮອດດຽວນີ້ໜອງດັ່ງກ່າວແມ່ນບໍ່ມີປາບ້ອນໃຫ້ເຫັນແລ້ວ
ຍ້ອນວ່າມັນຕາຍໝົດ. ດັ່ງນັ້ນ ຈຶ່ງສະເໜີໃຫ້ພາກສ່ວນກ່ຽວຂ້ອງລົງໄປຊ່ວຍແກ້ໄຂບັນ
ຫາທີ່ເກີດຂຶ້ນໂດຍໄວ ເພື່ອແກ້ຄວາມເດືອດຮ້ອນ ແລະ ຄວາມລຳບາກຂອງປະຊາຊົນໃຫ້ຫລຸດລົງ.
ໜອງຫານແມ່ນໜອງນ້ຳທຳມະຊາດ, ມີເນື້ອທີ່
200 ກວ່າເຮັກ ຕາ, ນັບແຕ່ປີ 2009 ໄດ້ມີການກໍ່ ສ້າງໂຮງງານຜະລິດແປ້ງມັນຕົ້ນ
ລາວ-ອິນໂດຊາຍນາ ແລະ ປ່ອຍນ້ຳເປື້ອນຈາກການຜະລິດຈາກໂຮງງານລົງສູ່ຄອງນ້ຳ
ແລະ ໄຫລລົງສູ່ໜອງຫານ ຈຶ່ງເຮັດໃຫ້ມີປາຕາຍຢູ່ໜອງນ້ຳດັ່ງກ່າວເປັນຈຳນວນຫລາຍ
ແລະ ບໍລິສັດໄດ້ສະແດງຄວາມຮັບຜິດຊອບໂດຍການນຳເອົາລູກປາຈຳນວນ 5 ແສນໂຕມາປ່ອຍທົດແທນຄືນເປັນເວລາ
3 ປີຊ້ອນ ແລະ ມາຮອດດຽວນີ້ພັດເກີດມີປາຕາຍອີກເທື່ອໃໝ່ ແລະ ຍັງບໍ່ມີພາກສ່ວນໃດມາຊ່ວຍແກ້ໄຂ.
No comments:
Post a Comment