ເມື່ອບໍ່ດົນມານີ້,
ໄດ້ມີເຫດການສະລົດໃຈເມື່ອຜົວໃຊ້ມິດແທງເມຍເສຍຊີວິດ ແລ້ວແທງຕົນເອງ
ຕາຍຕາມຊຶ່ງເຫດການດັ່ງກ່າວເກີດຂຶ້ນຢູ່ສວນຢາງພາລາໃນເຂດ ບ້ານອຸດົມສີນ,
ເມືອງສິງ, ແຂວງຫລວງນ້ຳທາ.
ເຈົ້າໜ້າທີ່ ປກສ ແຂວງ ຫລວງນ້ຳທາລາຍງານໃຫ້ຮູ້ວ່າ:
ຜູ້ຕາຍຊື່ທ້າວ ປື ເກາະ ໃຫຍ່ ອາຍຸ 28 ປີ ແລະ ນາງ ມີແນ ອາຍຸ 29 ປີ ທັງສອງເປັນຜົວເມຍກັນອາໄສຢູ່ ບ້ານພະຍາຫລວງ,
ເມືອງ ສິງແຂວງຫລວງນ້ຳທາ, ເຊິ່ງຜູ້ເປັນເມຍມີຮອຍບາດແຜ ຖືກແທງຫລາຍສີບຈຸດຕາມຮ່າງກາຍ, ສ່ວນຜູ້ເປັນຜົວມີຮອຍ
ບາດແຜ່ຖືກແທງຈຳນວນໜຶ່ງ ແລະ ພົບເຫັນຢາບ້າຈຳນວນ 24 ເມັດ ແລະ ມີດປາຍແຫລມໜຶ່ງດວງທີ່ຍັງມີຄາບເລືອດຕິດຕົກຢູ່ໃກ້ກັບສົບຂອງຜູ້ຕາຍທັງສອງ.
ໂດຍຜ່ານການຊັນນະສູດ ແລະ ສອບຖາມຜູ້ໃກ້ຄຽງຢ່າງ
ລະອຽດຂອງເຈົ້າໜ້າທີ່ຢັ້ງຢືນ ວ່າ: ເຫດຄາດຕະກຳຄັ້ງນີ້, ແມ່ນ
ຜູ້ເປັນຜົວໄດ້ເສບຢາບ້າຈົນມຶນ
ເມົາຂາດສະຕິ ແລະ ໄດ້ໃຊ້ມີດ ແທງເມຍ ແລະ ຕົນເອງຈົນເສຍຊີວິດ, ເຊິ່ງຍາດພີ່ນອງຂອງຜູ້ ຕາຍໃຫ້ເຈົ້າໜ້າທີ່ຮູ້ຕື່ມວ່າ:
ໃນໄລຍະຜ່ານມາຜູ້ເປັນຜົວແມ່ນ ເສບຢາບ້າເປັນປະຈຳ ແລະ ມັກມີປາກສຽງຜິດຖຽງກັບເມຍ ເປັນປະຈຳ,
ແຕ່ບໍ່ຄາດຄິດວ່າຊີວິດ ຂອງຄອບຄົວນີ້ຈະຈົບລົງດ້ວຍ ເຫດໜ້າເສົ້າສະເທືອນຂວັນດັ່ງກ່າວ.
No comments:
Post a Comment