ແຫລ່ງຂ່າວຈາກ ແຂວງບໍ່ແກ້ວແຈ້ງໃຫ້ຮູ້ວ່າ:
ວັນທີ 11 ກັນຍານີ້, ແຂວງ ບໍ່ແກ້ວ ໄດ້ຈັດພິທີປະກາດຈົບການສຶກສາຊັ້ນປະຖົມບໍາລຸງທົ່ວແຂວງຂຶ້ນຢ່າງເປັນ ທາງການໂດຍເປັນກຽດເຂົ້າຮ່ວມຂອງທ່ານ
ດຣ. ພັນຄໍາ ວິພາວັນ ກຳມະການກົມ ການເມືອງສູນກາງພັກ, ລັດຖະມົນຕີວ່າການກະຊວງສຶກສາທິການ
ແລະ ກິລາ, ທ່ານ ຄໍາໝັ້ນ ສູນວິ ເລີດ ກຳມະການສູນກາງ ພັກ, ເລຂາພັກແຂວງ, ເຈົ້າແຂວງໆ ບໍ່ແກ້ວ,
ມີອຳນາດການປົກຄອງແຂວງພ້ອມດ້ວຍພະນັກງານລັດຖະກອນ
ແລະ ຄູອາ ຈານ, ນັກຮຽນນັກສຶກສາເຂົ້າຮ່ວມເກືອບ 2.000 ຄົນ.
ໃນພິທີໄດ້ມອບໃບຢັ້ງຢືນປະກາດຈົບຊັ້ນປະຖົມບໍາລຸງທົ່ວແຂວງ,
ມອບຫລຽນໄຊແຮງງານຊັ້ນ I , ຊັ້ນ II, ຊັ້ນ III ຈໍານວນ 86 ຫລຽນ, ຫລຽນກາ ແຮງງານ 56 ຫລຽນ ພ້ອມ ໄດ້ມອບໃບຍ້ອງຍໍລັດຖະບານຈໍານວນ 208
ໃບ ແລະ ໃບຍ້ອງຍໍຂອງເຈົ້າແຂວງຈໍານວນ 150 ໃບໃຫ້ແກ່ບຸກຄົນ ແລະ ກົມກອງຕ່າງໆ ທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານດັ່ງກ່າວ ໂດຍລັດຖະມົນ ຕີວ່າການກະຊວງສຶກສາທິການ ແລະ ກິລາ ແລະ ເຈົ້າແຂວງໆບໍ່ແກ້ວໄດ້ຜັດປ່ຽນກັນມອບການຍ້ອງຍໍດັ່ງກ່າວ.
ຫົວໜ້າພະແນກສຶກສາ ແລະ ກິລາແຂວງບໍ່ແກ້ວ
ໄດ້ລາຍງານຕໍ່ພິທີວ່າ:ສະພາບການພັດທະນາການສຶກສາຂອງ ແຂວງ ໃນໄລຍະຜ່ານມມາ່ສະເພາະ ແມ່ນສົກຮຽນ
1995-1996 ທ່ົວແຂວງມີໂຮງຮຽນປະຖົມສຶກ ສາພຽງ171 ແຫ່ງ, ມີຄູສອນ 450 ຄົນ, ຍິງ 80 ຄົນ, ມາ
ໃນສົກຮຽນ 2012-2013 ໂຮງຮຽນປະຖົມສຶກສາເພີ່ມຂຶ້ນເປັນ 190 ແຫ່ງ, ມີນັກ ຮຽນທັງໝົດ
27.210 ຄົນ, ຍິງ 12.822 ຄົນ, ມີຄູສອນທັງໝົດ 963 ຄົນ, ຍິງ 403 ຄົນ, ຜົນການ ສອບເສັງເລື່ອນຂັ້ນ
ແລະ ຈົບຊັ້ນ ປະຖົມສຶກສາລວມທັງພາກລັດ ແລະ ເອກະຊົນບັນລຸໄດ້ 93,6% ແລະ ເພື່ອເຮັດໃຫ້ການສຶກສາຂອງແຂວງ
ມີບາດກ້າວຂະ ຫຍາຍຕົວ,ພະແນກສຶກສາ ແລະ ກິລາແຂວງໄດ້ວາງທິດທາງແຜນການພັດທະນາການສຶກສາໃນຕໍ່ໜ້າຄື
ຈະສືບຕໍ່ສູ້ຊົນປະຕິບັດໂຄງປະຕິຮູບການສຶກສາໄລ ຍະ II
ໃຫ້ປະສົບຜົນສຳເລັດແນໃສ່ຍົກສູງຄຸນນະພາບການຮຽນການ ສອນຂອງຄູ ແລະ ນັກຮຽນ ເສັງເລື່ອນຂັ້ນ
ແລະ ຈົບປະຖົມໃຫ້ໄດ້ 95%,ຈະດໍາເນີນການ ຮຽນ-ການສອນລຶບລ້າງຄວາມ ບໍ່ຮູ້ໜັງສື ແລະ ສືບຕໍ່ບໍາລຸງຍົກລະດັບການສຶກສາຊັ້ນປະຖົມບໍາລຸງໃຫ້ແກ່ປະຊາຊົນໃນກຸ່ມເປົ້າ
ໝາຍອາຍຸ 15-40 ປີໃຫ້ໄດ້ 99 % .
ໃນພິທີຍັງໄດ້ຜ່ານບົດຕົວ ແບບການຊີ້ນໍາໆພາຊຸກຍູ້ຂະ
ບວນການຮຽນ-ການສອນຂອງອໍານາດການປົກຄອງຂັ້ນ ເມືອງ, ຕົວແບບການວາງແຜນຈັດຕັ້ງປະຕິບັດການຮຽນ-ການສອນບໍາລຸງຊັ້ນປະຖົມຂອງຫ້ອງການສຶກສາເມືອງ,
ຕົວແບບນໍາ ພາການຈັດຕັ້ງການຮຽນ-ການສອນຂັ້ນບ້ານ, ຜ່ານບົດຕົວແບບການສິດສອນການສຶກສານອກໂຮງຮຽນຂອງຄູອາສາສະໝັກ ແລະ ຕົວແບບໃນການຄົ້ນຄວ້າຮໍ່າຮຽນໜັງສືຄວບຄູ່ກັບການພັດທະນາຄຸນນະພາບຊີວິດຂອງນັກຮຽນປະຖົມບໍາລຸງອີກດ້ວຍ
ເພື່ອເປັນຕົວແບບໃນການສືບຕໍ່ຈັດ ຕັ້ງປະຕິບັດວຽກງານສຶກສາ ນອກໂຮງຮຽນໃຫ້ມີປະສິດທິຜົນສູງຂຶ້ນ.
No comments:
Post a Comment