ເວລາ ປະມານ 9:00 ໂມງ ຂອງວັນທີ 7 ມິຖຸນາ 2015 ໄດ້ເກີດເຫດລົດ ໂຕໂຢຕ້າ ປຣາໂດ ໝາຍເລກທະບຽນ ຄຫ 8777 ກຳແພງນະຄອນ ຂົນຢາບ້າລາຍໃຫຍ່ ໄດ້ເກີດອຸບັກເຫດ ໃນຖະໜົນໂພນຕ້ອງ ເຂດບ້ານໂພນຕ້ອງ ພໍເກີດອຸບັດເຫດແລ້ວຄົນ ຂັບແລະຜູ້ໂດຍສານ ທັງໝົດ 4 ຄົນໄດ້ແລ່ນໜີອອກຈາກລົດໄປ. ເຈົ້າໜ້າທີ່ຈຶ່ງໄດ້ເຂົ້າກວດກາ ແລະພົບເຫັນວ່າໃນກະບະ ລົດມີ ຢາບ້າທີ່ບັນຈຸມາໃນກະເປົາຂາວ ຈຳນວນ 10 ເປົາ ເຊິ່ງຄາດວ່າມີຢາບ້າບັນຈຸໄວ້ບໍ່ຕ່ຳກວ່າລ້ານເມັດ.ຈາກນັ້ນເຈົ້າໜ້າທີ່ໄດ້ອອກຕິດຕາມໄລ່ລ່າ ຈິ່ງສາມາດຈັບໂຕຄົນຂັບລົດໄດ້ ຊື່ ທ້າວ ຄຳວາງ ອາຍຸ 42 ປີ ປະຊາຊາຊົນ ບ້ານຫຼັກ 2 ເມືອງສາລະວັນ ແຂວງສາລະວັນ ເຊິ່ງຜູ້ກ່ຽວມີຖິ່ນເກີດຢູ່ ອຸດົມໄຊ.
ສ່ວນລົດຄັນດັ່ງກ່າວອອກຊື່ເຈົ້າຂອງລົດຄື ນາງ ໝອນ ບ້ານນາສ້ຽວ ເມືອງນາຊາຍທອງ ນະຄອນຫຼວງວຽງຈັນ.
ເຫດການດັ່ງກ່າວ ເປັນເຫດການ ການພົບແລະຍຶດຢາບ້າຄັ້ງໃຫຍ່ ທີ່ສຸດໃນກາງໃຈນະຄອນຫຼວງວຽງຈັນ ເຊິ່ງການຂົນຢາບ້າຄັ້ງດັ່ງກ່າວນີ້ແມ່ນ ເຮັດແບບທ້າທາຍຕໍ່ສາຍຕາເຈົ້າໜ້າທີ່. ສ່ວນລາຍລະອຽດກຸ່ມຄົນຮ້າຍ ແລະເຄືອຂ່າຍໃຫຍ່ນັ້ນ ເຈົ້າໜ້າທີ່ກຳລັງຕິດຕາມກວດກາ ເພື່ອຈະນຳເອົາຄົນຮ້າຍມາດຳເນີນຄະດີ ໃນອັນດັບຕໍ່ໄປ.
ຂ່າວຈາກ : ລາວໂພສ
No comments:
Post a Comment