ລົດພວງຂອງໄທ ຕຳລົດຈັກເຮັດໃຫ້ຜູ້ຂັບຂີ່ເສຍຊີວິດຢູ່ບ້ານຫົວຂົວ

    ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ລາຍງານວ່າ: ໃນເວລາປະມານ 19:07ໂມງຂອງວັນທີ 26 ສິງຫານີ້, ໄດ້ເກີດອຸປະຕິ ເຫດ ລົດພວງໝາຍເລກທະບຽນ 70-4401ອຸດອນທານີ, ຂັບຂີ່ໂດຍທ້າວ ທະນະພົນ ໄພນອກ (ຊາວໄທ), ອາຍຸ 35 ປີ ປັດຈຸບັນຢູ່ບ້ານທ່າບອນ ເມືອງໜອງບົວສະຫວີ ແຂວງໄຊຍະພູມ ປະເທດໄທ ທີ່ໄດ້ມຸ້ງໜ້າໄປຖະໜົນ 13ເໜືອ ພໍຮອດບ້ານຫົວຂົວ ເມືອງນາຊາຍທອງ ນະຄອນຫລວງວຽງຈັນ ໄດ້ໄປຕຳເອົາລົດຈັກໝາຍເລກທະບຽນ ຈຄ 3621 ກຳແພງນະຄອນ ຂັບຂີ່ໂດຍ ທ້າວ ເພັດ ອາຍຸ 36 ປີກຳມະກອນ ຢູ່ບ້ານນໍ້າກ້ຽງ ເມືອງນາຊາຍທອງ ທີ່ແລ່ນມາທິດທາງດຽວກັນ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່, ສ່ວນຜູ້ຊ້ອນທ້າຍລົດໄດ້ຮັບບາດເຈັບສົມຄວນ. ປັດຈຸບັນເຈົ້າໜ້າທີ່ໄດ້ກັກຕົວຜູ້ຂັບລົດພວງຄັນດັ່ງກ່າວ ເພື່ອດຳເນີນຄະດີຕາມກົດໝາຍ.